當我上到公司,坐低左,
佢介紹完A出場(kathy),kathy做流程,
佢坐o係我身邊,手放在我嘅椅背上,
流程期間,佢不停俾反應 ，
問題就由kathy來解答。
(事後先知原來每次有P仔上公司,
其他人都會叫果個同事,
做到好似好多人識,好有面,
來增加P仔信心,
令到個P仔為左顧全你的面子,
有咩唔鐘意都唔會有咩動作......)
一開始個kathy同我介紹有隻product（薰香）可以分解
二手煙，一路係咁俾報告我睇，仲做左幾
個小實驗，（當我完全唔識chem 同phy，係呢到開始
我已經懷疑佢講緊大話。佢話個樽口有３百至
５百度，發夢喇你，咁易燒到５百度，
香薰可以燒到五百度?
普通玻璃１８０度玩完。佢又將個口點著解釋話
個口釋放緊氧，其實係氣化嘅乙醇，成
支香薰５成係酒精梗係點得著。）（仲有
好多爛ｇａｇ，例如法國１８５幾年已經冇
封爵位，佢話佢始創人係１８９幾年嘅爵士，
上網做晒功課下次再上去可以同佢串下。）
件野真定假，曹宏威為大家解答。
http://www.youtube.com/watch?v=_lt_En2ie2U
不過重點跟本與件product冇關，
件野佢話值幾百蚊，其實值幾十蚊，
最緊要係門"生意"。
佢介紹左幾個職位出黎，
20%經銷商($5000)、29%爵士($20000)、38%伯爵($67846)、
41%侯爵、42%公爵..
講埋ｄ廢話之後，佢叫我拎５０００蚊出黎
買貨，咁就可以做經銷商，做左有咩好處？
你介紹其他人入會可以得到佣金，
一個帳戶可以發５個牌，拎左你牌嘅人又可以
發５個牌，一屠一屠發落去，佣金愈黎愈多。
有幾個起步點，
起步點一
做$5000經銷商 20%
你每介紹一個人進來做20%的位，
你就可得1000元回佣（5000X20％）。
即係介紹一個人入有1000蚊‧
介紹５個可以回本+賺５千蚊貨‧
起步點二：
當你有ｄ興趣嘅話，你會
被人叫你多付67648 買伯爵38%位，
（可以直接由你身上嘅貨過俾ｐ仔嘅位）
佢地會告訴你這才是開始正式賺錢 。
買了伯爵位，你每介紹一個人進來
由你67648的貨 賣給五千俾佢
如果哄他買伯爵 用 67648元
咁就可以得到 9360+[5000]元
那5000蚊係你自己本身 ，
9360才是公司給你的佣金，
伯爵又叫開大單，最多人係度起步，因為
可以賣自己d貨。注意，分紅額並沒有38%之高，
佣金連18%都無
但當你的下線，再找下線
你想要有得佣金時，有一個必需的條件
你
A b c d e
a1 a2 a3 <==第一代
aa1aa2aa3 <====第二代
aaa1aaa2aaa3 <======第三代
如果你發展了一個38%[A], 你只能收到一代(A1)的$,
如果你發展了2個38%(A&B), 你只能收到2代的$
如果你發展了3個38%(A&B&C), 你只能收到3代的$
如此類推?BR>
如果想收到6線6代就要發6個38%
層壓式向下發展，發牌俾下線，
就可以等佢地發牌，等收錢，咁你話做唔做得過先？
起步三：
未升上41%侯爵之前最多只能收到6代的$
（拎你個牌ｄ叫第２代，如此類推）
千其唔好以為買一個38%就可以收得收得到6代的 $ ，
如果你想有下線介紹下下線入會想分到錢 ，
你就必需要 找齊 ABCDE五個人都做了伯爵(38%)先有錢收 ，
不然 你下線一直 發展下下線，你係沒錢收 ，
所以入去做的人都是跟人地鬥快 ，
就因為要同人家鬥快所以上線（發你牌個個人），
又會叫你 {套架} 起步 ，
即是一次過要投資33萬(67648X5)，開5個38%位，
這叫做挑戰侯爵41%位置起步
等於買多5張大單[即伯爵單67648元]ABCDE，
其實當你找齊五個下線 ，
都做了伯爵就稱為齊架，
可以挑戰上人人都想做的候爵了 。
上候爵，齊架後還要有一個條件 ，
就是要在三個月之內，做滿100 萬業績 。假如三個月內做不到，
可以在第四個月繼續努力，但第一個月的業績就不計算。其間
你可能會遇到一個重要決擇！
比如說 :
{你三個月快到，還欠3張大單(38%)才夠100萬業績
你上線或上上線會{鼓勵}你自己用錢買下來，
67648乘以你欠的數}
如果是20萬你就又要多付20萬了。
另外如果你身家還算不錯的話: ，
你上線就會叫你不如 [候架] 起步 ，
佢同你講你侯架起步才是最快 ，
即一次過投資104萬。
第一次聽我當然唔知佢講乜，佢淨係強調
發牌同等收錢，呢個做ｂ嘅嘅女同學仲猛叫我
信佢。當時係冇藉口可以拒絕，因為你嘅藉口
會俾佢地駁晒。
１. 我對此行冇信心，或自己未必做得黎。
答：你未做過又知唔得？自古成功在嘗試，比心機學啦！
2. 我冇時間。
答: 正正係此系統令多人 (下線) 幫你做野, 倍增時間.。
（呢句真係殺晒。）
3. 我未夠瞭解。
答：你第一日返工也未夠瞭解。
4. 對產品冇興趣。
答：現在賣點不是貨物，而是賺錢机會。
5. 對搵朋友錢冇興趣。
答：開餐店也係賺朋友錢，現在他做你下線，有錢一齊搵。
6. 對傳銷冇興趣。
答：日間一早返工仲比老細鬧你有冇興趣，冇你又做？
7. 驚爆煲。
答：介紹公司大型投資。
答1：銀行理論上會擠提爆煲，係又存錢入銀行？
8 想多D時間考慮。
答：要賺錢就要快，比人快。
9. 想咨詢家人朋友先。
答：他們不是這方面專家，一知半解只會阻住呢個机會。
10. 我冇錢。
答：李嘉誠夠唔夠錢收購甲公司／項目？銀團借貸囉！
覺得掂咪借財務公司嘛。
講冇錢係無用架，佢地會叫你去借，會幫你做假入職
證明。佢地其中一樣工作就
係幫ｐ仔跑財仔（ｕａ，幫文同安信）。
最緊要有錢，其他咩都做得出‧
我諗我呢個咁嘅朋友應該係開左大單，
買左６萬幾，應該都係財仔借返黎。
咪以為入去做真係賺錢，其實係買入一堆垃圾後
努力回本同還債。債係不停推俾下線，同埋終有一日會
爆煲，何解？
5千變十萬??
如果你能保證,每一個月可以搵5個人,
佢地都有能力再搵5個人, 而之後果25個人
每人都一定能再搵5個人, (總共155人), 你就可以
獲得業績$5000+$11250+$56250=$72500,(都未夠10萬),
但...真的可能一個月
召集到5+25+125=155人加入? 如果你可以,
咁下個月呢? 佢地強調只需作一次投資, 不用不斷sale野,
這反而是缺點所在, 因為比過錢既人不用再比錢,
又要找新的一批人.
以一個月召集155人計, 除番開3段時間,
即是你要在10日內學識技巧+搵到5個肯投資既人,
之後再教識果5個人令佢地10日內做到相同既野...
１0日內學識技巧+搵到5個肯投資既人 <-這可能性極低.
簡單的一條數. 何況佢地的目的是$5XXX+$64000
1個月佢公司就有1+5+25+125= 156人
第二個月, 當佢地上面d人全部搵5個就收山, 125+125X5+125X5X5=3875
第三個月 3875+ 3875X5 +3875X5X5 = 120125 (12萬人)
第四個月 12萬 X5X5.... 香港已經淪陷
公司嘅ＰＲＯＤＵＣＴ市場利潤不可能支持公司
ＰＲＯＤＵＣＴ只靠傳銷商買＋扯人
再一起做傳銷
即公的利潤來自扯人＝無ＰＲＯＤＵＣＴ支持
因此公司利潤決定於加入人數
－＞公司的ＰＲＯＤＵＣＴ利潤不可能支持公司
－＞公司的利潤來自扯人
－＞人不可能無限加入
＝公司玩完
上到去絕對係疲勞轟炸，不停換人同你
分享所謂嘅＂成功心得＂，Ｄ人仲愈黎愈串
，講到你讀大學無用，佢月入幾萬，
後期係好多人團住晒，猛人話我唔俾面，
駁咀駁舌，仲同個８婆係到喊交，反面先走到。
（入去個時要熄電話，千奇唔好制）。
人利用人與人之間嘅友誼 ，
去達到佢地既目的，
一件好可悲嘅事 ，
話就話佢地係俾人洗左腦，
相信公司嘅模式係可以幫佢地發達，
佢地成日話「為你好」,「想幫你」，
令你覺得有錢齊齊搵 ，齊實現夢想，
但其實係利用「友誼」去幫佢地搵錢 ‧
呢班人日日著起suit扮成功人士 ，
背後欠了幾多債，
其實大部分都係失敗嘅人。
寫到好長，想希望大家知道發生緊咩事，
賺到錢嘅永遠係你嘅上上上上.....上線，
棵樹生到有幾大無人知道。
呢位女同學我都唔知可以點幫佢，洗晒腦。
好幸運個日無被洗腦。
間野叫亮碧思ＤＨＣＬ（ｌｂ），見到要走人。
係ｙａｈｏｏ到ｓｅａｒｃｈ有無數同佢有關嘅衰野‧
Chatboard (0)